Հովհաննես Մանուկյանը շրջայց կատարեց Իրավաբանական ինստիտուտում
28.05.2014
ՀՀ արդարադատության նախարար Հովհաննես Մանուկյանն այսօր լրագրողների հետ շրջայց կատարեց Արագածոտնի մարզի Կարբի գյուղում գտնվող «ՀՀ արդարադատության նախարարության իրավաբանական ինստիտուտ» ՊՈԱԿ-ի նորակառույց շենքում, ծանոթացավ ինստիտուտի պայմաններին:
Արդարադատության նախարարության իրավաբանական ինստիտուտը 2015-ին կունենա ժամանակակից բոլոր պայմաններին բավարարող բարեկարգ ուսումնական շենք: Նախարարության հատուկ` քրեակատարողական ու դատական ակտերի հարկադիր կատարման ծառայողները վերապատրաստման դասընթացներ կանցնեն Արագածոտնի մարզի Կարբի համայնքում գտնվող ուսումնական կենտրոնում:
Ժամանակակից սարքավորումներով հագեցած լսարաններ, մարզադահլիճ, հրաձգային վարժասարք ու փակ հրաձգարան` մարտական զենքով կրակելու համար: Առաջինը նախարարն է փորձում` հետո լրագրողները: Հաղթողները նաեւ պարգեւատրվում են:
