Շնորհավոր ՄԵԾ ՀԱՂԹԱՆԱԿԻ տոնը
09.05.2015
Շնորհավորում եմ բոլորիս Հայրենական Մեծ Պատերազմում տարած փառահեղ հաղթանակի 70 ամյակի կապակցությամբ: Մեր գործն արդար էր, քանզի այն ոչ միայն հայրենիքի պաշտպանության, այլև համամարդկային վեհ գաղափարների ծնունդ էր: Մեր պապերի ոգու և անմնացորդ նվիրումի շնորհիվ մեզ՝ սերունդներիս, ժառանգվեց ապրելու և արարելու անկոտրում կամք, հայրենիքը շենացնելու ու հզորացնելու պարտքի զգացում, իսկ մարդկությունն էլ ազատվեց նացիզմի կործանարար ճիրաններից: Այդ ժամանակների աշխարհի ամենահզոր ու կազմակերպված բանակներից մեկը՝ վերմախտը, պարտություն կրեց շնորհիվ ն մեր զինվորների ազատության տենչի, ապրելու իրավունքին տեր կանգնելու և հայրենիքի փրկությունը քաջագործելու վճռականության: Այսօր էլ տարիների հեռվից, հետադարձ հայացքը ստիպում է մի պահ խորհել, թե այդ ինչ հերոսական ոգի էր սավառնում խորհրդային ժողովուրդների սրտերում, ինչպես կարողացան պատվով հաղթահարել այդ դժնդակ տարիները և սեփական ազատությունը պարտադրել այն խլելու պատրաստ թշնամուն: Սա ժողովուրդների բարեկամության և միմյանց փոխօգնության հասնելու իսկական օրինակ էր, ինչի արդյունքը այն Մեծ Հաղթանակն է, որը տասնամյակներ շարունակ հպարտություն և հիացմունք է առաջացնում՝ միշտ արթուն պահելով խաղաղությանը նվիրվելու գիտակցումը:
Ո՞րն է Հայաստանում կոռուպցիայի հիմնական պատճառը