Բլոգ
Շատ հետաքրքիր զուգադիպությամբ այսօր և՛ Հեռուստատեսության և՛ Ողջույնի համաշխարհային օրն է: Ժամանակ կար, երբ բոլորիս օրը սկսում էր հեռուստահաղորդավարների ողջույնով: Շնորհավորում եմ բոլոր հեռուստաընկերությունների աշխատակիցներին մասնագիտական օրվա առթիվ՝ մաղթելով լավատեսական լուրեր և բարձր տրամադրություն և թող բոլորիս օրը սկսվի հաճելի ողջույններով.... մանրամասն →
Այսօր մի կոնկրետ իրավիճակի կապակցությամբ հիշեցի երջանկահիշատակ Վլադիմիր Ռուբենիչի (իրավունքի դոկտոր Վլադիմիր Նազարյան) մի հանճարեղ արտահայտություն. «Մեզ մոտ դիմացինին ոչնչացնելու մարմաջը ավելի ուժեղ է, քան ինքնապաշտպանական բնազդը»: Հիրավի հանճարեղ է ասված: Լավ է, որ Ռուբենիչը մեր օրերի վիճակին ծանոթ չէ: Բարի՛ եղեք, մարդիկ ... ) մանրամասն →
Ընդհանուր առմամբ համամիտ եմ այն տեսակետին, որ սոցիալական գովազդի ամենամեծ նվաճումը էներգիայի խնայողության կոչ անող հոլովակներն են, որոնց ազդեցությունը չափվում է խնայված էներգիայի քանակով: Այսօր Էներգախնայողության միջազգային օրն է: Ինձ համար մեծ կարևորություն է, որ անմասն չենք մնալու շրջակա միջավայրին առնչվող խմդիրներին լուծում տալուց: մանրամասն →
Մեծ ափսոսանքով լսեցի, որ կյանքից հեռացել է Վլադիմիր Մովսիսյանը: Հայտնի գործչի մահն իսկապես անդառնալի կորուստ է: Իր կազմակերպչական հմտությունների և հայրենասիրության շնորհիվ նա պետական այր կոչվելու լավագույն օրինակներից էր: ... մանրամասն →
Վաղը Նոտարական պալատի նոր գրասենյակի հանդիսավոր բացումն է: Նույն շենքում պիտի տեղակայված լինի նաև Ամուսնությունների պալատը: Ի դեպ, սա նաև մեր մասնակի հատուցումն է երևանցուն մեր հիշողությունների մեջ դեռևս կանգուն (անհասկանալի պատճառներով և տրամաբանությամբ ժամանակին ապամոնտաժված) Երիտասարդական պալատում տեղակայված նախկին շքեղ Ամուսնությունների պալատի դիմաց: մանրամասն →
Մի ընկեր ունեմ, տարիներ առաջ սրբագրիչ էր աշխատում: Մի օր պայմանավորվել էինք հանդիպել: Երկար սպասեցի, տեսա չի գալիս, որոշեցի գնալ խմբագրություն: Սիրալիր պահակի հետ մի երկու բառ փոխանակեցի ու մտա ներս: Ինձ տեսավ, շատ ուրախացավ, թեև անակնկալի եկավ. ըստ երևույթին մոռացել էր մեր հանդիպման մասին: «Ինչ լավ ա, որ եկար, նստիր էս լավաշը կարդա, որ պետք ա էջը կապենք» - արագ-արագ, վազող լեզվով դիմեց ինձ: Գլխի ընկա ինչ է ուզում ու սկսեցի կարդալ երկաթուղու մասին հոդվածը: Ես դեռ մատիտով փորձում էի իմ նկատած վրիպակներն ուղղել, ընկերս կեսկատակ հայտարարեց. «Մինչև գործդ ավարտես՝ ես վաղը չէ մյուս օրվա թերթն էլ սրբագրեմ, ու հետո դուրս կգանք»: Այստեղ համբերությունս սպառվեց և իմ սրբագրիչի «առաքելությունը» անավարտ մնաց ... մանրամասն →
Դպրոցում ամենսիրածս առարկան պատմությունն էր: Ինձ թվում է առարկան սիրել եմ հատկապես ուսուցչիս՝ Արթուր Նիկողոսյանի շնորհիվ: Համադասարանցիներս կհիշեն, թե ինչպես էր անցնում պատմության 45 րոպեն, երբ մեր ուսուցիչը մեզ մի քաղաքակրթությունից տեղափոխում էր մյուսը՝ մեր հիշողության մեջ հավերժ դաջելով պատմության պատկերավոր դրվագներ: մանրամասն →
Ցավով տեղեկացա Հայաստանի մարքսիստական կուսակցության նախագահ Դավիթ Հակոբյանի մահվան մասին: Հայ քաղաքական միտքը կորցրեց գաղափարի մարտիկի, ում յուրօրինակ և կոլորիտային մեկնաբանություններն ու զուգահեռներ անցկացնելու անվրեպ կարողությունը երկար են հիշվելու: Անվիճելի է, որ քաղաքական բանավիճային մշակույթը հանձին Դավիթ Հակոբյանի ստացավ նոր երանգ և հանդուրժողականության որակներ: ՀՀ արդարադատության նախարարության և իմ անունից ցավակցում եմ Դավիթ Հակոբյանի հարազատներին և մերձավորներին քաղաքական գործչի անժամանակ մահվան կապակցությամբ: մանրամասն →
Չմոռանանք, որ պատվով ենք դուրս եկել համատարած խավարից, երգով ենք հաղթել վհատությանը, հումորով ենք մոտեցել անելանելիությանը և հավատով ենք լցրել մեր վաղվա օրը: Անկախությունը ազգի ազատությունն է, շահում է այն ազգը, ում հաջողվում է ճիշտ օգտվել իր ազատությունից: մանրամասն →
Facebook-յան մի շարք ընկերներիս հետաքրքրությունը բավարարելու համար փորձեմ թվարկել առաջինը մտաբերած (իրականում ցանկը շատ ավելի մեծ է) այն գրքերն ու ստեղծագործությունները, որոնք տպավորել են ինձ, տվել են դատողությունների և վերլուծության նյութ, հարստացրել են կարևոր ինֆորմացիայով. մանրամասն →
Ո՞րն է Հայաստանում կոռուպցիայի հիմնական պատճառը