Նորություններ
Հարցին արձագանքելով՝ ՀՀ արդարադատության նախարար Հովհաննես Մանուկյանը պատասխանեց, որ իրականում վիճակն այդքան էլ սարսափելի չէ: «Համաձայն չեմ Ձեզ հետ»,- հայտարարեց նախարարը: Նա նաև մեջբերեց վիճակագրական տվյալներ, ըստ որոնց՝ ՃՏՊ-ները նվազել են: «Առանձին վայրերում տեսախցիկներ են տեղադրվել, որոնց շնորհիվ երթևեկության խախտումների 85-90 տոկոսը նվազել է: Արագաչափերի տեղադրումով նվազել է նաև ՃՏՊ թիվը: Նվազել է նաև դրանց հետևանքով զոհերի թիվը՝ միայն մարզային կտրվածքով, օրինակ, 29 %-ով: Այդ թվերի պարզ վերլուծույթյունը հակառակն է փաստում»,- ասաց նախարարը: մանրամասն →
Այսօր ՀՀ արդարադատության նախարար Հովհաննես Մանուկյանն ընդունել է Եվրոպայի Խորհրդի Քրեական իրավունքի հարցերով համագործակցության բաժնի և Երևանյան գրասենյակի պատվիրակությանը: Հանդիպմանը քննարկվել են պրոբացիայի ծառայության ներդրման նպատակով ՀՀ արդարադատության նախարարության կողմից ձեռնարկվող օրենսդրական և այլ քայլերը: Նախարարը նշել է, որ րոբացիայի ծառայության ստեղծման հայեցակարգը ներկայացվել է կառավարություն: Եվրոպացի գործընկերների խնդրանքով նախարարը մանրամասնել է պրոբացիայի ծառայությանն առնչվող այլ իրավական ակտերի շրջանառության մեջ դնելու ժամկետները: մանրամասն →
ՀՀ արդարադատության նախարար Հովհաննես Մանուկյանն այսօր ընդունել է Հայաստանի Հանրապետությունում Ամերիկայի Միացյալ Նահանգների նորանշանակ արտակարգ և լիազոր դեսպան Ռիչարդ Միլսին: Շնորհավորելով դեսպանին նշանակման կապակցությամբ՝ նախարարը բարձր է գնահատել հայ-ամերիկյան բարեկամական փոխգործակցությունը` հույս հայտնելով, որ նորանշանակ դեսպանի գործուն ջանքերն ի նպաստ կդրվեն երկկողմ հարաբերություններն ընդլայնելու և զարգացնելու գործին: մանրամասն →
Արդարադատության նախարար Հովհաննես Մանուկյանն այսօր կառավարության նիստից հետո լրագրողների հարցին ի պատասխան հայտարարեց, որ կոռուպցիայի դեմ պայքարելու համար քաղաքական կամք պետք է լինի: Կառավարությունն այսօրվա նիստում որոշեց ստեղծել Կոռուպցիայի դեմ պայքարի խորհուրդ և փորձագիտական հանձնախումբ: Նիստից հետո լրագրողները Հովհաննես Մանուկյանից հետաքրքրվեցին՝ նոր հանձնաժողովը նախկինից ինչո՞վ է տարբերվելու: Հիշեցնենք, որ նախկին վարչապետ Տիգրան Սարգսյանի օրոք նույնպես կառավարությունում կոռուպցիայի դեմ պայքարի հանձնաժողով էր գործում: մանրամասն →
Փետրվարի 18-ին ՀՀ արդարադատության նախարար Հովհաննես Մանուկյանն ընդունել է Հայաստանում Լեհաստանի արտակարգ և լիազոր դեսպան Եժի Մարեկ Նովակովսկուն: Նախարարը շնորհավորել է դեսպան Նովակովսկուն պաշտոնը ստանձնելու կապակցությամբ՝ մաղթելով արգասաբեր գործունեության ի նպաստ երկու երկրների փոխգործակցության զարգացման: Անդրադառնալով հայ-լեհական բարեկամական հարաբերություններին և գոհունակություն հայտնելով երկխոսության բարձր մակարդակից՝ նախարարը կարևորել է նաև իրավական ոլորտում Լեհաստանի հետ համագործակցության անհրաժեշտությունը՝ հույս հայտնելով, որ նորանշանակ դեսպանի գործուն ջանքերով այն ավելի կակտիվանա և կարձանագրվեն գործնական արդյունքներ: մանրամասն →
ՀՀ արդարադատության նախարարը փետրվարի 11-ին ընդունել է Հայաստանի Հանրապետությունում ԱՄՆ դեսպանության գործերի ժամանակավոր հավատարմատար Վուդվորդ Քլարկ Փրայսի գլխավորած պատվիրակությանը: Վուդվորդ Քլարկ Փրայսը կարևորել է մեր հանրապետության հետ իրավական ոլորտի համագործակցությունը: Նա շնորհակալություն է հայտնել նախարարին կառուցողական համագործակցության համար՝ ևս մեկ անգամ հավաստելով նախարարության հետ փոխգործակցության պատրաստակամությունը: մանրամասն →
«Հաճելի է արձանագրել, որ ունենք պետական ռեգիստրի կայացած համակարգ, ռեգիստրի գործառույթներն իրականացվում են պատշաճ մակարդակի»,- արդարադատության նախարարության իրավաբանական անձանց պետական ռեգիստրի գործակալությունում շրջայց կատարելուց և գործակալության ղեկավար կազմի, աշխատակիցների հետ խորհրդակցությունից հետո լրագրողների հետ զրույցում ասաց նախարար Հովհաննես Մանուկյանը: Նրա կարևորեց քաղաքացիների սպասարկման էլեկտրոնացված համակարգը, մեկ պատուհանի սկզբունքը: Նախարարի գնահատմամբ, այս համակարգի առաջընթացը պետք է կարևոր նվաճում համարել: Միաժամանակ Հ. Մանուկյանը նշեց, որ պետք չէ կանգ առնել, կան խնդիրներ, որոնք ենթակա են լուծման: մանրամասն →
«Ժողովուրդ»-ի հետ զրույցում ՀՀ արդարադատության նախարար Հովհաննես Մանուկյանը, անդրադառնալով ՀՀԿ-ական նախկին պատգամավոր Հակոբ Հակոբյանի «Հիշողություն» ֆիլմին, ասաց, որ ֆիլմը չի դիտել եւ առանձնապես ցանկություն էլ չունի դիտելու: «Անկեղծ ասած, աշխատանքային ծանրաբեռնվածությունը հաճախ ժամանակ չի թողնում անգամ բարձրարժեք ստեղծագործություններ վայելելու: Հակոբ Հակոբյանի այս նախաձեռնությունը գնահատում եմ որպես ոչ պրոֆեսիոնալ գեղարվեստական ինքնադրսեւորում, այնպես, ինչպես որեւէ մեկը փորձեր գիրք գրել, կամ երաժշտություն հորինել, կամ, ասենք, լուսանկարչական հմտությունները փորձարկել»,- ասաց նախարարը»: մանրամասն →
Արդարադատության նախարար Հովհաննես Մանուկյանի խոսքով՝ Բերձորում տեղի ունեցած բռնությունների դեպքերի հարցով պետք է համապատասխան քննություն իրականացվի, և որոշակի պարզաբանումներից հետո միայն ինքը կարող է գնահատական տալ: «Ես չեմ կարող գնահատել առանց փաստերի»,-ԱԺ-ում լրագրողների հետ զրույցում ասաց նա: մանրամասն →
Այսօր արդարադատության նախարար Հովհաննես Մանուկյանը լրագրողների հետ զրույցում պատասխանելով այն հարցին, թե արդա՞ր էր դերասան Վարդան Պետրոսյանին 5 տարով դատապարտելը, բայց քրեական աշխարհում Զապ մականունով հայտնի անձին ազատ արձակելը, պատասխանեց. մանրամասն →
Ո՞րն է Հայաստանում կոռուպցիայի հիմնական պատճառը